關於 SERENE｜來自一位女性的親身經歷

一段念珠菌的旅程，成就一個品牌的誕生

你好，我係 Sue。

我創立 SERENE，其實係源自一段我自己親身經歷過嘅痛。

9年前，我第一次去旅行，就感染咗念珠菌。旅程中間一直痕癢難耐，返香港後忍唔住去睇醫生，先發現私處分泌變咗豆腐渣狀。當時我仲係大學生，完全唔知道係咩病，又唔敢同屋企人講。真係好驚，好無助。

第一次睇西醫，要接受用冷冰冰嘅鴨嘴鉗檢查私處，當時得自己一個場景好尷尬。以為食完藥會好，但過一段時間又再復發。之後幾年，我試過塞藥、網上偏方、甚至自己整藥丸⋯⋯但結果都係：「好返」一陣，又再病發。

念珠菌纏繞咗我足足9年。期間我只係盡力去避免「觸發」呢個病：唔敢食甜，又唔敢食辣，經期前後、身體虛弱時、去沙灘、甚至上廁所，我都會提心吊膽。因為真係好多次，始終都會再復發。念珠菌對我嚟講，就好似濕疹咁，冇斷過。

直到2024年，我去台灣發現，當地女性好注重私密處護理，無論藥局定美妝舖都有完整齊全嘅私密護理專區。呢刻我突然醒覺，香港好多女仔（包括以前嘅我），根本從來冇人教過私密處都需要護理。

我唔想再等，我想做啲嘢。

所以，我一個人開始去搵醫美科技工廠，逐間了解佢哋嘅技術、配方、實驗、品質。經過整整一年時間開發同測試，我終於打造出第一款 SERENE Intimate Essence Gel —— 一支可以即時舒緩、潔淨、保濕同緊緻肌膚嘅私密護理凝膠。

我希望，每一位女性都可以有權選擇、照顧自己嘅私密處，而唔再係一種羞耻。唔再要默默承受，唔再要靠「忍」。

SERENE 唔止係一個護理產品，而係一個與妳同行、守護妳嘅好朋友。
希望妳，喺人生每個階段，都可以自在啲，舒服咁做自己。

—— Sue
SERENE 創辦人